Deportes

Deportes

Sporting 0-2 Almería vuelta del públicu a El Molinón (31 de mayu del 2021)

El Sporting nun foi quien a dar una allegría a l'afición na so vuelta a El Molinón

L'equipu roxiblancu nun fixo los deberes na xornada última de lliga en Segunda y nun pudo aprovechar el tropiezu del Rayo en Vallecas énte’l Lugo. La vuelta de l’afición a El Molinón –5.000 espectadores– nel partíu col Almería (0-2) nun foi suficiente pa emburriar a un Sporting que llegó mui xustu de fuercies al tramu final.

Aida Palicio Liberbank 24-30 Atlético Guardés (Copa, 21 de mayu del 2021)

L’arranque del Atlético Guardés pesó al Liberbank nuna Copa que viaxó a Elx

Un parcial de 3-0 por parte d’un acertáu Atlético Guardés foi una llosa pal Liberbank, que cayó elimináu en cuartos por un equipu gallegu que caltuvo la ventaya tol partíu y acabó ganando 30-24. La Copa 2021 de Telde foi pal Visitelche.com, que superó na final al Aula Alimentos Valladolid pol resultáu de 32-26.

Liberbank La Calzada en Telde

El Liberbank de Cabeza, al segundu asaltu pola Copa

Depués de cayer en semifinales na Copa celebrada en setiembre nel entamu de la temporada, magar ser la correspondiente al cursu 2019-2020, el Liberbank de Cristina Cabeza va tratar de repetir una bona actuación nel tornéu del KO. El primer rival va ser esti vienres l'Atlético Guardés nel Pabellón Insular Rita Hernández de Telde.

Medori en L'Entregu 0-2 UC Ceares (9 de mayu del 2021)

L'UC Ceares fai historia: campeón de Tercera División y ascensu a la nueva Segunda RFEF

Ciares foi esti domingu una fiesta. L'equipu de fútbol del barriu, que necesitaba empatar pa certificar l'ascensu ensin depender de terceros, superó nel Nuevu Nalón a L'Entregu (0-2), trés puntos qu'amás del saltu de categoría da a los de La Cruz el títulu de campeón de Tercera.

Fernando Losada

El fútbol base del Sporting va pasar la temporada en blanco

El club decide nun apuntar a los sos equipos de categoría cadete p'abaxo nes competiciones qu'entama la Federación no que queda de temporada tres el permisu del Gobiernu.

Derbi Sporting-Uviéu

El Sporting repite los mesmos errores qu'en derbis anteriores

Un derbi más nel que se repite la mesma historia. L'Uviéu, qu'acumulaba 7 partíos ensin ganar, realcontróse cola victoria n'El Molinón con un gol de Diegui énte un Sporting que volvió a ufrir la mala imaxe de cites anteriores, defraudando otra vez más a l'afición.

El Sporting busca escaecer la imaxe amosada nos derbis últimos con un trunfu al Uviéu n’El Molinón

El Sporting busca escaecer la imaxe amosada nos derbis últimos con un trunfu al Uviéu n’El Molinón

David Gallego y los sos xugadores tienen esti sábadu una oportunidá d’oru pa dar un reblagu nel so oxetivu de consolidar les places d’eliminatoria d’ascensu. El Sporting recibe a un irregular Uviéu nun derbi ensin públicu nes graes nel que los roxiblancos han d’escaecer la imaxe de los últimos duelos de rivalidá.

CAM Enrique Soler 72-91 Círculo (11 d'abril del 2021)

El Círculo clasifica per primer vegada pa les eliminatories pol ascensu a LEB Oru

La victoria del Círculo Gijón Baloncesto y Conocimiento en Melilla col CAM Enrique Soler (72-91) permite al equipu xixonés certificar la permanencia a falta del partíu aplazáu precisamente contra los melillense y clasificar per primer vegada pa lluchar pol ascensu. El rival nes eliminatories será, sacante sorpresa, l’Hestia Menorca.

Pages