El Motive.co gárrase al Palaciu pa remontar cinco goles al Elche

|
Motive.co 35-24 Házená Kynžvart (15 de xineru del 2023) equipu recortada

D'algamalo les de La Calzada clasificaríen pa semifinales de la EHF European Cup.

El sábadu, a les 19.30 hores, el Motive.co va xugar el so partíu más importante de los años últimos. Va ser énte'l Atticgo Balonmano Elche, rival col que perdió'l domingu por 25-20 na ida de los cuartos de final de la competición europea, col oxetivu de dar la vuelta a la eliminatoria.

La imaxe dada na primer parte n'Elx, que finó con un parcial de 7-9, ye la esperanza d'un equipu que va contar col sofitu de l'afición xixonesa nel Palaciu pa esta xornada histórica. Na eliminatoria de la que va salir l'otru semifinalista l'Atlético Guardés, que precisamente ayeri ganó a les Cristina Cabeza por 25-18 en partíu lligueru, garró ventaya énte'l Madeira Andebol (26-30).

Na semeya, l'equipu celebra nel Palaciu la clasificación a cuartos de final llueu de superar al Házená Kynžvart checu.

Contador Estadistiques