Deportes

Deportes

Jony segundu regresu

Jony y Eric Ramírez, pólvora pal ataque del Sporting, que firma a última hora a Calavera

Nun mercáu ivernal paráu en Xixón hasta la selmana última, el Sporting fai trés incorporaciones pa nun dar por finada la temporada y lluchar pol play-off. La vuelta de Jony Rodríguez dende la Lazio ye’l fichaxe más ilusionante pa l’afición, que ve tamién como torna Jordi Calavera pa cubrir la lesión de Guille Rosas y espera la llegada del internacional venezolanu Eric Ramírez.

Derrota inxusta del Sporting B n'Elx (2-1)

Dos goles de Nino dan ventaya al Elche nuna eliminatoria qu'aporta abierta a Xixón.

Na segunda ronda de les eliminatories d'ascensu a Segunda División A, el Sporting B traxo una inxusta derrota d'Elx. Los de José Alberto foron superiores al Elche, que namái vio dalgo de lluz cola salida de veteranu goliador Nino cuando restaben 30 minutos pal final.

Doblete del Hostelcur: suma la OK Lliga a la Copa d'Europa ganada en Portugal

Doblete del Hostelcur: suma la OK Lliga a la Copa d'Europa ganada en Portugal

L'Hostelcur Xixón sigue sumando ésitos. L'últimu foi l'algame del títulu de la OK Lliga a falta d'una xornada pal final tres superar al Vila-Sana'l sábadu nel pabellón de Mata-Xove pol 6-1, lo que supón el so segundu títulu lligueru siguíu y el terceru de so palmarés.

El Sporting B amuesa madurez en Cornellà

Los de José Alberto empaten a dos goles na so visita al club catalán nun partíu marcáu pola anulación incomprensible d'un gol a Claudio. El xuvenil, elimináu de la Copa.

El trunfu del Mirandés dexa al Sporting B segundu

Celta B, Cornellà o Extremadura UD van ser los rivales del filial roxiblancu na llucha pol ascensu a Segunda División A. El xuvenil, mentes, saca ventaya en Copa tres ganar 3-1 a la Real Sociedad.

Sporting 0-0 Málaga (29 de xineru del 2023)

El Sporting zarra’l mercáu d’iviernu ensin Gragera y cola incorporación del central Marsà

Dos salíes y trés llegaes. Son los movimientos del Sporting nesti mercáu d’iviernu, nel que pierde al porteru Mariño y al prometedor centrocampista internacional sub-21 Gragera, trespasáu na xornada última al Espanyol, cuando saltó la sopresa de la llegada del central catlán Marsà, incorporación que se suma a la del delanteru chilenu Jeraldino y al del tamién porteru uruguayu De Amores.

Házená Kynžvart 24-26 Motive.co La Calzada (8 de xineru del 2023)

El Motive.co afronta nel Palaciu'l so duelu européu más duru

Les de La Calzada tornaron de la República Checa con una ventaya de dos goles (24-26).

L'Házená Kynžvart confirmóse como'l rival más complicáu qu'atopó na EHF European Cup, dalgo lóxico al avanzar rondes na competición. Si col vénetu Alì-Best Espresso Mestrino (21-40; 37-74 nel global) y l'austriacu WAT Atzgersdorf (18-33; 40-67) sentenciaron la eliminatoria nel partíu d'ida, l'equipu de Cristina Cabeza nun pue confiase nel choque de mañana nel Palaciu de Deportes.

Pages