Los hospitales de campaña mentanto'l mal de moda (1918)

Xixón nun se llibró del mal de moda, llamáu internacionalmente de manera errónea como ‘gripe española’ –el so orixe ta en Norteamérica y la so llegada a Europa vieno coles tropes estauxunidenses que veníen a combatir–, la pandemia más llaceriosa que ximelgó’l globu hasta la llegada de la COVID-19. Diose del 1918 al 2020 y dexó más 40 millones de muertos –hai inclusive estimaciones de que la cifra podría llegar a los 100 millones–, calcúlase que 6.200 n’Asturies, siendo la seronda del 1918 el peor momentu pal país, víctima d’una dura fola de la enfermedá, la segunda de les trés que llegaron.

La villa, ensin sanidá pública naquel tiempu y con una privada cuasi inestente al nun tener accesu la mayoría de la población a ella por cuestiones económiques, contó nesi tiempu con dos hospitales de campaña, ún en L’Atalaya y otru en plenu cascu urbanu. Decretóse un confinamientu, que nun se respetaba muncho, y la instalación d’estos hospitales foi la solución pa tratar a l’alta cantidá d’enfermos afeutaos col mal de moda.

Na semeya, parte de L'Atalaya anguaño.