Deportes

Deportes

Javi Rico y Abelardo

“Cuando la to familia te necesita tienes que tar ehí”, asegura Abelardo

Col Sporting col agua al pescuezu, Abelardo respondió a la llamada desesperada del club y va tomar el mandu del equipu nes cuatro finales que queden pal final de Lliga y tamién pa la temporada qu’entra. “Cuando la to familia te necesita, y el Sporting yelo, tienes que tar ehí”, espresó’l xixonés, que sustitúi a José Luis Martí nel bancu roxiblancu.

Final a Cuatro Copa d'Europa 2021-2022

El Telecable busca en casa la so sesta Copa d’Europa

El Palaciu de Deportes acueye esta fin del selmana la final a cuatro de la Copa d’Europa, a la que se clasificaron el Telecable Solimar Xixón, dos equipos catalanes y ún portugués. El rival en semifinales de les de La Calzada, que buscan el so sestu títulu continental –l'últimu ganólu na temporada 2017-2018–, ye’l Cerdanyola CH Feníe Energía.

Sporting 0-1 Uviéu (16 d'abril del 2022) ataque

El Sporting da un pasu más pa certificar la so peor temporada

La derrota nel derbi col Uviéu por 0-1, con gol en propia de Berrocal nuna xugada desafortunada, supón un episodiu más d’un historia qu’entamó con esperanza –lideratu na xornada 10– pero que se convirtió en velea interminable pa los aficionaos. L’equipu ocupa la plaza 17 a 7 puntos del descensu a falta de 6 xornaes pal final.

José Ramón Tuero, Ana Palacios y Jesús Kocina hípicu

L’hípicu torna a Les Mestes con un CSI de cuatro estrelles n’agostu

Depués de dos años ensin ver caballos blincar nel verde de Les Mestes, el primer hipódromu del conceyu va retomar los concursos. En concreto va desendolcase un CSI del 23 al 28 d’agostu, esto ye, una prueba de calter internacional, anque nun va tener la etiqueta de ‘oficial’.

Pep Martí

Martí garra’l timón del Sporting, “el retu más importante na mio carrera”

La derrota del Sporting el domingu n’El Molinón cola Ponferradina (2-3) condenó definitivamente a David Gallego, que nun va cumplir la segunda temporada al frente del buque roxiblancu. Garra’l timón Pep Martí, que firma pa esta campaña cola opción a una segunda por oxetivos que nin el téunicu nin Javier Rico confirmaron.

La Marruca y Mareo

El Sporting merca la finca La Marruca pa potenciar Mareo y la cantera

147.540 metros cuadraos que sumar a los 112.000 que conformen la Escuela de Fútbol de Mareo pa crear unes instalaciones deportives de primer nivel. Ye’l pasu qu’esti xueves dio’l Sporting al mercar la finca La Marruca, práuticamente pegada a la ciudá deportiva roxiblanca, coles perres de los fondos CVC de 'LaLiga Impulso'.

Falta a Djuka nel Sporting 2-1 Villarreal (6 de xineru del 2022)

El Sporting da'l meyor regalu de Reis a l'afición y yá espera al Cádiz

Djuka y Bogdan antroxaron de reis magos y dieron el meyor regalu a l'afición del Sporting. Los de David Gallego superaron al Villarreal, campeón actual de Lliga Europa, por 2-1 remontando'l tantu inicial d'Albiol y van xugar col Cádiz nos octavos de final de Copa.

Cubierta 'Los anicios d'un club de barriu' Ciares recortada

Un llibru billingüe cuenta'l procesu de fundación del UC Ceares

Va presentase nun actu nel chigre La Santina de Ceares poco enantes del partíu col Compostela.

Ciares 0-1 Sporting (30 de payares del 2021)

César punxo'l gol a la gran fiesta del fútbol xixonés n'El Molinón

L'UC Ceares y el Sporting xugaron un duelu inéditu en partíu oficial nuna eliminatoria de Copa qu'axuntó a más de 7.000 persones.

Cartelu entraes UC Ceares-Sporting Copa

La fiesta del fútbol xixonés na Copa, con precios populares

L’UC Ceares y el Sporting quieron convertir el partíu de Copa d’El Molinón, programáu pal martes 30 a les 20 hores, nuna gran fiesta del fútbol xixonés. Pa ello el club de Ciares pon precios populares, calteniendo los 15 euros de públicu y ufriendo entraes a 10 a los socios roxiblancos y a los de tolos clubes deportivos del conceyu.

Pages