Xixón refuga organizar l'ATP 250 de Tel Aviv llueu d'una renuncia de Sofía

Nun hebo alcuerdu ente'l Conceyu y la Real Federación Española de Tenis depués de que l'ente internacional ofreciera a la villa'l tornéu.

A la tercera tampoco nun pudo ser. Después de quedar fuera de la carrera pol tornéu ATP 250 que sustitúi a la Kremlin Cup de Moscú, suspendíu pola invasión de Rusia a Ucrania, primero contra Tel Aviv y llueu con Sofía, Xixón refugó la so organización llueu de la decisión de la capital búlgura d'echase atrás por nun saber con seguridá si podría contar cola instalación qu'acoyería la competición.

La selmana perdida pa poner en marcha tola maquinaria pa que'l Palaciu de Deportes tuviera preparáu pa recibir a los tenistes la fin de selmana del 5 de payares foi'l motivu que llevó al Conceyu a tomar esta decisión. Por esta razón pidió una rebaxa del canon que paga Xixón por acoyer el tornéu, que dende la Federación apunten que s'aceptaba que fora de 200.000 euros, de 1,2 millones a 1 millón, pero nun hebo alcuerdu.

Queda por ver si esta situación nueva podría afeutar al WTA 500 que la española quier organizar l'añu que vien en Xixón depués de la bona sintonía esistente hasta la fecha y el resultáu del tornéu masculín que tuvo llugar l'ochobre pasáu, con gran ésitu de públicu y satisfaición de los tenistes.

Na semeya, un momentu de la final del ATP 250 celebráu l'añu pasáu nel Palaciu, con Sebastian Korda a la izquierda sacando y Rublev, ganador del torneu, a la derecha.