El Motive.co busca n'Austria avanzar na EHF European Cup

|
Motive.co La Calzada rumbu a Viena

El WAT Atzgersdorf ye'l siguiente rival de les de La Calzada na tercer ronda del tornéu.

Mañana, a les 18 hores nel Sporthalle GRG 23 Alterlaa de Viena, el Motive.co Balonmano La Calzada afronta'l so segundu duelu européu de la so historia depués d'eliminar con contundencia al Alì-Best Espresso Mestrino vénetu por 74-37 (21-40 y 34-15). Les austriaques, pela so parte, superaron al HB Dudelange por un axustáu 41-40 (22-19 y 22-18) al remontar la derrota inicial en Luxemburgu.

Les de Cristina Cabeza, que nun va poder contar cola portera Raquel Álvarez al mancase na mano derecha esta selmana, son, a priori, favorites nesta eliminatoria de la EHF European Cup, que se va decidir nel Palaciu la fin de selmana viniente. El primer partíu va tar dirixíu polo suecos Mattias Fält y Mikael Holm.

Na imaxe, l'equipu lluz arguyosu la bandera d'Asturies rumbu a Austria. Semeya propiedá del Club Balonmano La Calzada.

Contador Estadistiques