Cultura

Cultura

Esposición ‘Margarita Salas, una muyer con ciencia’

Una esposición dedicada a Margarita Salas amuesa n’asturianu la so trayeutoria y el papel de les muyeres na ciencia

‘Margarita Salas: una muyer con ciencia’ ye’l nome de la esposición en llingua asturiana pensada pa escolinos, pero recomendada pa persones de toles edaes. Pue visitase nel Centru de Cultura Antiguu Institutu hasta'l 31 de xineru –amplióse finalmente hasta'l 26 de febreru– y nella va conocese la trayeutoria de la valdesana asina como l'importante papel de les muyeres na investigación científica.

'Llázaro de Tormes' de Carlos Alba

Alba va representar 'Llázaro de Tormes' nel Antiguu Institutu

Esta obra ganó la primer edición del Premiu y Festival Nel Amaro de Teatru Profesional en Llingua Asturiana o Gallego-asturiano.

L'adaptación teatral asturiana de la novela anónima ‘La vida de Lazarillo de Tormes y de sus fortunas y adversidades’ fecha por Carlos Alba 'Cellero' va representase'l día 21 nel patiu del Antiguu Institutu. Nella, l'actor fai de pregoneru de los vinos del Arcipreste de San Salvador, cuenta les sos 'picardíes' col envís de xustificar la so vida y fai un retratu coñón de la sociedá de la época.

Academia de la Llingua Asturiana (ALLA)

El Conceyu aprueba un conveniu cola ALLA

La xunta de gobiernu llocal aconceyada esti martes de manera telemática dio’l preste a un conveniu cola Academia de la Llingua Asturiana (ALLA). Ésti tien como oxetivu la promoción, difusión y dignificación social del usu del asturianu nel conceyu de forma conxunta, principalmente na alministración llocal.

Marta Mori, Xaime Martín y Gonzalo G. Barreñada POEX

POEX naz pa llevar alcuentros poéticos per espacios de la ciudá

La primer edición va ser finalmente en llinia dende'l miércoles poles restricciones nueves pola situación de la pandemia de COVID-19.

Cartelu 'Come. Visti. Bailla' Soldepaz Pachakuti

La Escuela de Comerciu acueye l’alcuentru serondiegu de muyeres de Soldepaz Pachakuti

‘Come. Visti. Bailla’ ye’l títulu del Conservatoriu de Muyeres pal Tresformamientu del Mundu que se va celebrar el 20 y 21 d’ochobre nel salón d'actos de la Escuela de Comerciu, con siguimientu en direuto en llinia. Trátase del alcuentru que vien entamando en seronda la ONG Soldepaz Pachakuti dende hai 22 años.

Feria del Libru de Xixón 2020

La Feria del Libro de Xixón amplía espacios pa garantizar la seguridá

Los puestos instálense en Tomás y Valiente, amás de na sede habitual de Begoña.

Dende'l xueves y hasta'l domingu ta celebrándose la Feria del Libro de Xixón, aplazada en xunu por mor de la situación sanitaria pola COVID-19. 23 llbreríes de la ciudá y 20 editoriales, la Fundación Alvargonzález, la Universidá d'Uviéu y la Rede Municipal de Biblioteques participen con puestu nesti certame lliterariu.

Alberto Ferrao y Mateo Rodríguez García presentación 'El Pallabreru del Skate' polideportivu

El skate súmase a la llista de deportes con pallabreru n’asturianu

La Oficina de Normalización Llingüística ta acabante d’editar ‘El Pallabreru del Skate’, ellaboráu por Mateo Rodríguez. “Tamién se pue facer skate n’asturianu y con esti llibrín buscamos normalizar el skate; que como asocede cola llingua, anque nun la prautiques o la fales, puedas tener conocencia d’esti deporte”, esplica.

Teatru Xovellanos COVID-19

El Xovellanos amplía l'aforu hasta los 559 espectadores

Nestos momentos los espectáculos del teatru namái pueden ocupar 100 butaques.

La Conseyería de Salú dio'l preste pa que, dende ochobre, el Xovellanos pueda ampliar l'aforu hasta los 559 espectadores distribuyíos en patiu de butaques, entesuelu y xeneral, esto ye, dalgo más del 50 por cientu del total. El proyeutu presentáu por Divertia convenció a les autoridaes sanitaries, polo que la instalación va caltener esta ocupación pa los eventos que se programen nel trimestre últimu del añu.

Alberto Ferrao y Miguel Barreo presentación Festival Al Resve

El Festival Al Resve allarga’l branu en Cimavilla

Los Remedios y La Soledá, esto ye, los dos festexos de Cimavilla, ponen el ramu tolos años al branu xixonés. Esti 2020 yá se conocía dende enantes de la pandemia la decisión de los vecinos de non organizar les fiestes, pero la música y el teatru nun van faltar col Festival Al Resve qu’entama’l Conceyu.

Pages