Cultura

El 9 de xunu del 1990 inaugurábase’l ‘Elogio del Horizonte’, obra encargada pol Conceyu a Eduardo Chillida pa coronar la recuperación de L’Atalaya pa la ciudá d'un terrén propiedá del Exércitu hasta pocos años enantes. Criticada de primeres por parte de la ciudadanía, sobre manera pol so costu altu, acabó convirtiéndose nun símbolu.

Namái sigue pesllada pa la devolución de títulos la de L'Arena por cuenta d'unes obres.

El 18 de mayu ye'l Día Internacional de los Museos. La Rede Municipal de Museos entama 'MuseoRelatos', actividá lliteraria billingüe, y permite disfrutar de la esposición '25 años, 25 pieces. L'arqueoloxía de la to ciudá en 25 cartelos urbanos' al traviés de la llingua del país, a lo qu'hai que sumar la Fototeca abierta del Muséu Pueblu d'Asturies.

La entrada d’Asturies na fase 1 de la desescalada llevó al Conceyu a dar por finada la web #XixónQuedaEnCasa, que dende l’entamu del estáu d’alarma vien ufriendo conteníos diarios pa facer más llevadera la situación a la ciudadanía. Nesti tiempu rexistró 75.000 visites, siendo los mozos de 25 a 34 años los usuarios más numberosos.

La Oficina de Normalización Llingüística, a comuña cola Rede Municipal de Biblioteques, nun quixo dexar de celebrar el Día de les Lletres Asturianes magar que los actos oficiales tuvieron que treslladase al 2 d’ochobre por cuenta la pandemia de COVID-19. Un xuegu, guíes de llectura, la iniciativa 'Xixón de Novela' y un alcuentru con autores son les propuestes.

El 21 d’abril habríen de celebrase los XVII Alcuentros de la Mocedá cola Llingua, xornada na que los escolinos de Secundaria de Llingua Asturiana celebren actividaes alredor del idioma nel Muséu del Pueblu d’Asturies. La pandemia actual de COVID-19 nun va poder con esta iniciativa, que va desendolcase "#DendeCasa" estos díes gracies a un xuegu virtual basáu nel modelu de cuartu d'escape.

Les y los xixoneses tán cumpliendo estos díes coles midíes preventives pa controlar l’espardimientu del coronavirus SARS-CoV-2. Pa facer más llevadero esta situación a los ciudadanos el Conceyu de Xixón pon en marcha la web #XixónQuedaEnCasa, con versión namái en castellanu, con propuestes pa ocupar el tiempu nesti tiempu de zarru mientres l'estáu d'alarma.

El festival qu’axunta música y ociu nel Recintu Ferial Luis Adaro, Metrópoli, dio anuncia de parte de la programación de la sétima edición, que va celebrase del 26 de xunu al 5 de xunetu. Amaral va encargase de poner el ramu a esta cita destacada del branu nel que tamién tán confirmaos El Barrio o Marlon, ente otros artistes.

Ye Llunes d’Antroxu y Xixón yá ta preparao pa celebrar el día grande d’esta festividá. Miles de xixoneses van salir a la cai amarutaos pa festexar nuna xornada que s’allarga hasta bien entrada la madrugada y que va siguir el martes col entierru la sardina y el Menú d'Antroxu nos restoranes del conceyu.

Les vecines axunten pa comer y pasar una xornada festiva qu'abre l'Antroxu modernu.

Anque l’orixe d’esta folixa pue tar fuera del Antroxu tradicional, esta cita tan asturiana considérase la primer celebración del Antroxu actual. Xixón y La Pola Siero son les villes que nos años últimos caltienen con fuercia esta tradición que caltuvieron per munchos años les cigarreres de la fábrica de tabacos de Cimavilla.