Cultura

El PSOE considera que ta mal plantegáu y va dedicar el so presupuestu a la promoción de la cultura tradicional y llingua asturiana.

Alberto Ferrao, conceyal d'Educación y Cultura, asina lo confirmó al restu de fuercies na so comparecencia presupuestaria, una decisión que nun presta a Foro, creador del Festival Arcu Atlánticu nel 2012, nin a Podemos-EQUO. La coalición anunció que diba solicitar na Comisión de Cultura próxima “l’informe téunicu de los servicios culturales qu’avala la decisión d’eliminar esta actividá de la programación cultural de Xixón”.

Esti sábadu va celebrase una sesión de grabación nueva del ciclu de conciertos de formatu íntimu 'Amosando', nel que van participar Anabel Santiago y Eva Tejador & Les Panderetes. El conciertu d'Ún de Grao de setiembre y la so entrevista yá tán disponibles na rede.

El 31 d'ochobre les asturianes y asturianos celebramos la Nueche d’Ánimes, festividá que tien orixe nel cambiu d’añu celta o Samhain. Les escueles del conceyu lleven dellos díes decoraes con calabazones afuracaos, el Xardín Botánicu Atlábtucy entama una programación especial y los vecinos d'El Llano ponen la folixa.

Toles perres recaudaes nes trés salíes van destinase a la Fundación Hogar San José.

‘Xixón romanu’ ye la propuesta pa esti mes d’ochobre que forma parte del ciclu de visites solidaries que Xixón Turismu entama a lo llargo de 2019. Partiendo de la Oficina d’Información Turística InfoXixón, allugada n'El Fomento, visitaránse les Termes Romanes de Campu Valdés pa siguir la ruta pel barriu de Cimavilla, onde se siguirá'l percorríu de la muralla romana y s'asitiará un pozu que permitió estrayer y almacenar agües soterrañes, y terminar nel Puertu Deportivu.

Nel 1869 el químicu rusu Dmitri Ivánovich Mendeléyev ellaboró la primer tabla periódica, qu’organizaba los elementos conocíos na época. Con motivu del 150 aniversariu d’esti avance, la Oficina de Normalización Llingüística asoleya ‘Lo elemental de los elementos’

El 27 de setiembre conmemórase esta xornada promovida por Naciones Xuníes.

Gijón/Xixón Turismu súmase al Día Mundial del Turismu entamando una visita guiada nocherniega a Cimavilla que va coincidir tamién cola Nueche Blanca. Los asistentes van conocer la historia y les anéudotes del barriu altu, les sos xentes, el so pasáu romanu y marineru, y van visitar la Casa Natal de Xovellanos y les Termes Romanes.

A les 9.50 hores del llunes va tener llugar l'equinocciu de seronda y el Xardín Botánicu Atlánticu prepara numberoses actividaes pa celebralu. Éstes van centrase na xornada del domingu, con entrada llibre a la instalación pa les persones que se treslladen n'autobús.

El ciclu 'Amosando', qu'ufre conciertos de calter íntimu de grupos y artistes asturianos pa promoción de los sos trabayos nuevos, torna a ufrir dos conciertos en Xixón, que se van grabar esti domingu. Tres L-R y Xaime Martínez llega'l turnu de D'Urria y d'Ún de Grao.

Nacho Vegas lleva de nueves a Xixón la so xira Violética’l 7 de setiembre viniente col cartelu de ‘Entraes escosaes’.

La esposición ‘Voces. La llingua n’Asturies al traviés de los sieglos’ yá ta abierta al públicu nel patiu del Centru de Cultura Antiguu Institutu, onde se va poder visitar hasta'l día 29. El so coordinador ye Xulio Viejo, que la definió como “una referencia importante pa la sociedá asturiana pa conocer el patrimoniu de so”.