Cultura

Cultura

Universidá Popular 40 años febreru 2022

El plazu pa matriculase al cursu en llinia de ‘Llingua Asturiana’ de la Universidá Popular fina’l día 11

Entá queden 4 places llibre pal cursu ‘Llingua Asturiana’ de la Universidá Popular, que se torna a ufiertar namái en llinia. Hasta’l vienres va tar abierta la matrícula pa ésta y les otres 128 propuestes en delles estayes que conformen el programa que se va desendolcar nos próximos meses n'espacios diferentes del conceyu.

Jesús Rodríguez, Milio Rodríguez Cueto y Lali Sola entrega I Premiu de Novela Curtia Andrés Solar

El I Premiu de Novela Curtia Andrés Solar foi pa Milio Rodríguez Cueto

El Conceyu de Xixón dio anuncia del fallu y entregó’l I Premiu de Novela Curtia Andrés Solar Santurio esti llunes 27 d’avientu, cuando se cumplen 37 años de la muerte de “ún de los adelantaos del movimientu de resurrección de la lliteratura en llingua asturiana”. Asina se refirió al autor de Deva’l ganador del gallardón, Milio Rodríguez Cueto, que presentó la obra 'Fortuna' a esti concursu de creación nueva.

Gijón Navidá

Iniciativa pol Asturianu reclama “una presencia digna” del idioma nos folletos informativos

La probe presencia del idioma nel programa d’actividaes de les fiestes navidiegues del Conceyu, asina como l’incumplimientu de la toponimia oficial, lleva a Iniciativa pol Asturianu a reclamar un espaciu dignu nos folletos informativos. Llama l’atención tamién sobre la so ausencia na campaña que se ta entamando nes redes municipales.

Calendariu Xixón Años 70

Los años 70 rellumen nel calendariu del Pueblu d’Asturies y la Oficina de Normalización del 2022

El miércoles 15 va entamar el repartu del mui demandáu calendariu del Muséu del Pueblu d’Asturies y la Oficina de Normalización Llingüística. Per tercer avientu llega esta propuesta n’asturianu qu’amuesa cada mes una semeya de Xixón del fondu fotográficu de la institución, nesta ocasión correspondiente a la década de los 70.

Teatru Xovellanos

El Teatru Xovellanos recupera los abonos pal primer trimestre del 2022

Suspendíos cola llegada de la pandemia de COVID-19, los abonos del Teatru Xovellanos tornen a tar disponibles pa los aficionaos a los espectáculos. Dende’l miércoles 8 van ponese a la venta en dos modelos p’acceder a parte de la programación del primer trimestre del 2022: el xeneral d’artes escéniques y l’especial.

Xixónpolis

La Guía de Programes Educativos de Xixón presenta doce propuestes en llingua asturiana

La Fundación de Cultura, Educación y Universidá Popular, dende'l departamentu d'Educación, recupera la Guía de Programes Educativos de Xixón esti cursu depués del parón del pasáu poles circunstancies de la pandemia. Na estaya de Llingua Asturiana ufre a les escueles doce propuestes d’Infantil a Bachilleratu.

Cartelu cursos UP Xixón 2021-2022 recortáu

La Universidá Popular torna a ufrir el cursu de ‘Llingua asturiana’ en llinia

Esti martes abre’l plazu d’inscripición pa los 126 cursos y talleres qu'ufierta la Universidá Popular, con matriculación escalonada según el centru nel que se celebre. El de ‘Llingua asturiana’ torna a ser en llinia, con clases los martes de 20 a 21.30 hores, y la inscripción va tar disponible dende’l vienres.

Programa del II Festival Al Resve

El Festival Al Resve lleva per segundu añu la cultura asturiana a la cai

Dellos puntos de Cimavilla, coincidiendo coles fiestes de Los Remedios y de La Soledá, van acoyer nes dos fines de selmanes próximes música, teatru y una intervención artística. La cultura y la llingua asturiana protagoniza’l Festival Al Resve, que vive la so segunda edición amestando tradición y renovación.

Pages