Cultura

El Conceyu y la Fundación CaxAstur roblaron el conveniu de collaboración que cede’l Palaciu Revillaxixéu al Ayuntamientu de baldre. El 22 de marzu va abrir les sos puertes la primer esposición que va acoyer la instalación con pieces úniques del fondu municipal.

La edil López Moro valora que'l festival aproxima a neños y mozos "les artes escéniques" y ayuda a convertilos "nos espectadores futuros que los teatros y espacios escénicos necesiten".

El cantautor, una voz imprescindible del Nuevu Canciu Astur, finó n'agostu a los 74 años.

Una comisión del Conseyu Asesor de Llingua Asturiana lleva cuatro sesiones de trabayu pa la ellaboración del Plan de Normalización Llingüística que sustituya al que tuvo vixente pal periodu 2020-2023. Los llabores yá tán avanzaos y nunos meses podría llevase a Plenu.

El Xueves de Comadres dio pistoletazu a cinco díes de folixa, gastronomía y mazcaritos.

El CP ‘Príncipe de Asturias’ ye’l primeru de los centros del conceyu en recibir los paneles de la esposición ‘Asturianes’, entamada a partir de la obra d’Alicia Álvarez con ilustraciones de María Ortiz. Un total de 2.297 persones visitaron la muestra, a los qu’hai que sumar los participantes nes conferencies, talleres y conciertos alredor de la mesma.

El día 9, Xueves de Comadres, arranca l’Antroxu y Xixón yá se prepara pa cinco xornaes de folixa, gastronomía y mazcaritos. Divertia yá fixo públicu’l programa de la fiesta, que caltién la versión n’asturianu, al igual que l’idioma nel cartelu oficial, y el nome de la sardina: Turbu.

Yá ta abierta la matrícula pa los cursos d’iviernu de la Universidá Popular, qu’ufre 139 alternatives de diferentes temátiques, toes presenciales. Va dase continuidá esti cuatrimestre al de Llingua Asturiana que se desenvolvió na seronda col entamu, depués de dellos años, d’un nivel avanzáu, pal que queda namás una plaza llibre.

La esposición pue visitase hasta'l llunes 29.

La cai L’Argandona va llevar el nome propiu de la persona a la que ta dedicada, Xosefa Xovellanos. Tolos conceyales del Plenu, cola única esceición de la de VOX, apoyaron la propuesta de Compromisu por Xixón pa modificar el nome d’esta vía, que, sicasí, va caltener el nomatu de la primer escritora conocida de les nueses lletres.