Actualidá

L’estudiu ‘Vivienda vacía y n’alquiler en Xixón’, encargáu pol Conceyu, pretende servir de base pa poner en marcha polítiques municipales pa fomentar l’alquiler y facilitar el so accesu a les persones más vulnerables. La renta media d'una vivienda de 70 metros cuadraos ye de 550 euros na villa, onde hai 7.000 vacíes.

Los coches dexen espaciu a los peatones.

La ‘Semana Negra’ recupera esti añu, na trentena cuarta edición, parte de la so normalidá. El certame lliterariu al rodiu la novela prieta torna a la cai depués de la edición pasada, marcada poles restricciones de la pandemia qu’obligó a celebrar l’eventu nel Antiguu Institutu, y toma como allugamientu El Muelle.

El Molinón pieslla les sos puertes.

Son munchos los visitantes que tolos años lleven como recuerdu de Xixón ún de los productos promocionales de la villa que se venden nes oficines d’información turística. Si l’añu pasáu’l gran ésitu foron les mázcares col logu del conceyu, esti añu apúestase por una llinia de productos con ‘Xixón con remangu’ como lema.

La obra pa iguar la cubierta del Palaciu obligó a treslladar el centru de vacunación contra la COVID-19 a otros dos puntos de la villa. Si la selmana pasada entamó l’alministración nel pabellón de Perchera-La Braña, el llunes fíxolo n’El Molinón, con tola infraestructura instalada baxo la grada del fondu norte.

El 23 de setiembre va principiar la votación ciudadana pa escoyer ente los trece proyeutos que se presentaron al concursu d’idees pa la remodelación del paséu marítimu dende la Punta Liquerique hasta la sablera d’El Natahoyo. Estes iniciatives, que se van esponer nel Muséu del Ferrocarril, yá se pueden consultar.

L'escritor, académicu y estudiosu de la nuesa lliteratura Xosé Manuel Bolado va recibir, a títulu póstumu, la Medaya d'Oru de la villa. La Sociedad Astronómica Omega, el Centro Integrado de Formación Profesional del Mar y l'UC Ceares van recibir la Medaya de Plata, mentes qu'Antonio Suárez va ser declaráu Fíu Adoptivu.

Respuesta vecinal énte la intención del Conceyu de valtar la bolera y el salón d'actos.

L’actividaes de branu entamaes pol Conceyu tornen a incorporar cuatro talleres n’asturianu, trés en xunetu y ún n’agostu. Van desendolcase na Escuela de Comerciu y nel tendeyón del Muséu del Pueblu d’Asturies y tán destinaos a neñes y neños de 4 a 12 años.