La ‘Semana Negra’ del 2022 va principiar el 8 de xunetu

|
Semana Negra 2021

Finó la XXXIV ‘Semana Negra’, que dexó un bon sabor de boca ente organización, participantes y asistentes. Miles de ciudadanos pasaron estos díes per El Muelle pa visitar el recintu y participar nes actividaes programaes d’un eventu que yá tien fecha nel 2022, del 8 al 17 de xunetu, cola esperanza de retomar la normalidá.

800 persones pasaron cada díes poles dos carpes qu’acoyeron les presentaciones, meses redondes y conciertos del certame lliterariu al rodiu la lliteratura negra, pa lo que yera necesario inscripción previa. A ellos hai que sumar los munchos visitantes que pasaron pelos puestos de llibros –con bones ventes, según confirmaron los llibreros–, los dos llocales d’hostelería y el mercadín instaláu nel llugar.

Ángel de la Calle, direutor de la ‘Semana Negra’, amosó la so satisfaición pol desendolcu de la edición, na qu l’actividá tornó a la cai depués de que nel 2020 tuviera que celebrase nel Antiguu Institutu. Tamién confirmó les feches de la del 2022, del 8 al 17 de xunetu, nun llugar entovía por conocer, pero cola intención de retomar la normalidá y recuperar la parte más festiva del eventu.

Na semeya, zona de llibros de la 'Semana Negra'.

Contador Estadistiques