Los Reis Magos aportaron en globu a Xixón

Los Reis Magos van recibir n'El Bibio

4 Xineru, 2021 por Pablo R. Guardado

Melchor, Gaspar y Baltasar yá tán en Xixón. Aportaron esti llunes en globu, con aterrizaxe nel Campu Municipal de Golf de La Llorea, y les neñes y neños del conceyu tán acudiendo a la plaza de toros d’El Bibio pa poder saludalos al nun poder entamase la cabalgata.

Foi a les 9.15 hores cuando les sos máxiques maxestaes finaron un llargu viaxe dende Oriente hasta Xixón, nel que tuvieron acompañaos por Aliatar. D’ehí treslladáronse hasta la plaza de toros d’El Bibio pa recibir a los primeros de los 6.000 neños y neñes que recibieron cita, quedando’l restu convocaos pa siguilo per Internet tanto güei como mañana a les 11 y a les 18.

La pandemia de COVID-19 que provoca esta situación estraña esti añu nun va afeutar el repartu de regalos peles cases de la nueche de mañana pa poder disfrutalos el 6. Mentanto, los vehículos oficiales de los Reis Magos y l’autobús municipal Pegasín van percorrer tolos barrios pa dar coloríu a la villa.

Eventu pa güei

'A tu lado', con Los Secretos

Teatru de la Llaboral

Al traviés d'imposibles viaxes alantre y atrás nel tiempu, Los Secretos cuenten la historia de la so vida, de la so música y de les persones que formaron parte d'elles. En 'A tu lado' los componentes del grupu narren en primere persona'l percorríu de la banda, repasando la so trayeutoria y les circunstancies que los convirtieron nun grupu míticu.