El concursu ‘Xixón Fala en 3’ repite convocatoria

|
Cartelu IV 'Xixón Fala en 3' segunda convocatoria

Llueu de suspendese la cuarta edición de ‘Xixón Fala en 3’, prevista en setiembre, la Oficina de Normalización Llingüística repite convocatoria. La fecha afitada pa esti concursu que busca fomentar l’emplegu del asturianu pa tratar cualquier tipu de temática ye’l 22 d’abril.

Les bases caltienen les mesmes estayes y premios. Éstes son cultura y tradición asturiana, nel que tratar temes d’antropoloxía, toponimia, baille, historia o sociollingüística, ente otros; de divulgación xeneral; y el de mocedá, destinada pa persones de 14 a 18 años, que pueden tocar cualquier temática, con recompenses de 600 euros pa los ganadores de caúna d’elles, y de 275 pa los segundos y 125 pa los terceros.

El plazu pa presentar solicitúes de participación va tar abiertu hasta’l 13 d’abril, y la final va tener llugar el 22 d’abril, sábadu, nel salón d’actos del Centru de Cultura Antiguu Institutu a les 11 hores. Nesi día los inscritos van tener trés minutos xustos pa esponer el tema escoyíu, valorando’l xuráu tanto la calidá espositiva y la capacidá de síntesis como la calidá llingüística, la oratoria y la capacidá de comunicación.

Contador Estadistiques