Cancélase'l concursu 'Xixón Fala en 3'

Taba previsto que la cuarta edición se celebrara'l sábadu 17 de setiembre nel Antiguu Institutu.

"Sintiéndolo muncho tenemos qu'anunciar la suspensión del 'Xixón Fala en 3' d'esti añu", anuncia la Oficina de Normalización Llingüística de Xixón, que, al empar, tresllada que "la edición próxima yá ta en marcha". Esti concursu venía celebrándose con ésitu años atrás, con premios d'hasta 600 euros pal ganador de cada categoría, y esti añu cambiaba de fecha de febreru a setiembre.

'Xixón Fala en 3' busca fomentar l’emplegu del asturianu pa tratar cualquier tipu de temática. Cuenta con trés estayes: cultura y tradición asturiana, divulgación xeneral y mocedá (de 14 a 18 años).

Un momentu de la parte final del anterior 'Xixón Fala en 3', cuando s'esperaba'l fallu del xuráu.