Deportes

Los de José Alberto foron mui superiores a los catalanes y acceden a la segunda ronda pol ascensu a Segunda División A.

El filial roxiblancu foi meyor que'l Cornellà na vuelta celebrada en Mareo, ganando por 2-0 (4-2 nel global) gracies al tantu tempraneru de Cayarga (minutu 3) y al de Nacho Méndez nel tramu final (84). D'esta forma sigue nel so camín hacia Segunda División A, onde van tener como rival a un clásicu del fútbol estatal, l'Elche, col partíu d'ida'l domingu a les 19 hores nel Martínez Valero (LaLiga 1|2|3 TV).

El sortéu de la primer eliminatoria pol ascensu a Segunda División A, celebrada'l llunes en Las Rozas, empareyó al Sporting B col Cornellà. El conxuntu catalán foi'l cuartu clasificáu del grupu IV de la Segunda División B y cuenta con un campu de prau artificial.

Los d'Isma Piñera van buscar na revancha na Copa del Rei, cola Real Sociedad como primer rival. El filial del Sporting va lluchar pol ascensu a Segunda División A al empatar n'Irun (1-1).

La final de la Copa de Campeones, que da plaza pa Europa, va xugase'l sábadu a les 12 hores y va poder siguise en direuto per GOL.