Actualidá

La formación asturianista sofita los plantegamientos de l'asociación vecinal Esto ye Ciares y pide meyores nel barriu.

Ediles del PSOE, Convocatoria por Xixón y Podemos aconceyaron con representantes d’Iniciativa pol Asturianu, que-yos treslladó la so “preocupación pola entrada nel gobiernu municipal de quien defende postures de marxinación hacia la llingua asturiana”. Encamentólos a “tar xixilantes énte posibles recortes al idioma” esta llexislatura.

"Contra'l fascismu, nin un pasu atrás", esclamen los convocantes de la manifestación contra la entrada de la ultraderecha nel gobiernu.

Coleutivos y organizaciones d'izquierda movilícense pola amenaza que supón la entrada de la ultraderecha nel gobiernu municipal.

L’alcaldesa Carmen Moriyón yá oficializó’l repartu de competencies ente los diferentes ediles de Foro, PP y VOX, partíos que conformen l’equipu de gobiernu. El primeru, queda con siete conceyalíes y l'Alcaldía, los populares con cinco y la formación d’ultraderecha con ún.

La práutica totalidá de la escena musical asturiana y artistes y grupos relevantes de la estatal, como Rozalén, Rigoberta Bandini, Fermín Muguruza, Hamlet, Vetusta Morla, SKA-P o La M.O.D.A., sofitaron el manifiestu ‘Música n’asturianu sí’ ente’l vetu ideolóxicu de VOX dende Festexos al idioma. En total recoyéronse 4.200 firmes.

Sara Concepción Álvarez Rouco, conceyala de VOX de Festexos en Xixón, compareció esti llunes énte los medios pa, según dixo, matizar y esclariar el so posicionamientu sobre les contrataciones futures. “Si la promoción del espectáculu n’asturianu va ser una plataforma d’apoyu a la oficialidá de la llingua, nós nun vamos apoyalo”, afirmó, al tiempu que confirmó que se va estudiar primero'l perfil de los artistes.

"Xixón Branu", presente nel 2022, desapaeció del títulu del videu promocional del 2023.

Una gran cantidá d'usuarios reivindica l'usu de la forma asturiana frente al intentu d'atapala de la estrema derecha dende'l gobiernu municipal.

El Conceyu va tener Plan de Normalización Llingüística nesta llexislatura que sustituya al actual, que comprende’l periodu 2020-2023. La conceyal de Foro que se va encargar de Cultura, Ana Montserrat López Moro, confirma esta cuestión y asegura que “va haber conxelamientu de partíes, pero non retrocesos nes polítiques de normalización”.