L'asociación en defensa de los derechos de los animales ANADEL convoca una manifestación antitaurina en Xixón pa esti domingu 13 d’agostu. La protesta va salir de la plazuela San Miguel a les 16:30 hores y tien como lema "Contra la tortura". Esti actu cuenta col sofitu de más de trenta colectivos, y coincide cola celebración nel cosu d'El Bibio de Xixón de la feria taurina de Begoña.
Comienza la Selmana Grande de Xixón esti vienres cola llectura del pregón por parte del actor Roberto Álvarez. Per delantre queden diez díes de conciertos y gran cantidá d’actividaes, ente les que destaca la Feria Internacional de Muestres d’Asturies (FIDMA).
Xixón Sí Puede critica la falta de baños públicos na sablera de Pando pese a tar en plenu mes d’agostu. Nun comunicáu llamenta que nun se colocaren nin unos provisionales, pese a que taba previsto emplegar unos asemeyaos a los de la ‘Semana Negra’.
El modelu nuevu de tarxetes ciudadanes que ta emitiendo’l Conceyu de Xixón inclúi l'asturianu. Les persones que soliciten un duplicáu de la mesma o qu’entovía nun la tenga, van recibir una billingüe.
Diecisiete productores d'Asturies, Galicia, Cantabria y Euskadi ufren los sos productos nel V Salón d'Agroalimentación y Turismu del Arcu Atlánticu. Los sos puestos tán instalaos hasta'l domingu n'El Muelle.
El Festival Arcu Atlánticu va celebrase del 25 al 30 de xunetu. Les actividaes van desendolcase nel barriu de Cimavilla, El Muelle, Plaza Mayor y el Centru de Cultura Antiguu Institutu.
La Fundación Municipal de Cultura (FMC) denegó'l permisu a la Xunta pola Defensa de la Llingua Asturiana (XDLA) pa presentar nel Festival Arcu Atlánticu d'anguaño la charla Proyectu 2018, una iniciativa pa poner en marcha una reforma estatuaria al traviés del artículu 56.1.
Xixón Sí Puede (XsP) presenta al restu de fuercies municipales una Proposición d'Alcuerdu sobre la Creación y Establecimientu d'un Plan d'Actuación Integral sobre los Espacios y Tiempos d'Ociu nel Nuestru Conceyu pa la Prevención y Actuación énte les Agresiones Machistes, que se va aldericar güei.