Yá llegaron los Reis Magos

|
Reis Magos n'El Muelle recortada

Melchor, Gaspar y Baltasar llegaron en barcu a Xixón y percuerren agora la villa pa saludar a toles neñes y neños. La cabalgata, na que participen más de 1.000 persones, va cubrir una distancia de 3 quilómetros llargos dende Viesques hasta los Xardinos de la Reina.

Una vez más El Muelle enllenóse de families enteres pa recibir a los trés Reis Magos, que se desplazaron en barcu hasta Xixón. El bon tiempu acompañó pa dar entamu a la xornada más ilusionante del añu.

A les 18 hores arrancó la cabalgata nel CP Begoña pa entamar una ruta hasta los Xardinos de la Reina. Melchor, Gaspar y Baltasar van tomar direición a El Biblio, pa entrar en L’Arena per Emilio Tuya, xirar en Menéndez Pelayo y dir hasta la carretera la Costa contra’l centru.

En Begoña la comitiva va tirar per San Bernardo hasta El Parchís, pa dir llueu hasta la cai los Moros, la plaza’l Carme y Marqués de San Esteban. La hora prevista de llegada a los Xardinos de la Reina son les 20 hores, momentu nel que les sos máxiques maxestaes van dir a la Plaza Mayor pa despidise de los xixoneses.

Per delantre quedará-yos una llarga nueche de visita de los llares de la villa pa la entrega de los correspondientes regalos.

Semeya propiedá del Conceyu de Xixón.

Contador Estadistiques