Xixón amaruta n'Antroxu

|
Xixón Antroxero Antroxu 2020

Ye Llunes d’Antroxu y Xixón yá ta preparao pa celebrar el día grande d’esta festividá. Miles de xixoneses van salir a la cai amarutaos pa festexar nuna xornada que s’allarga hasta bien entrada la madrugada y que va siguir el martes col entierru la sardina y el Menú d'Antroxu nos restoranes del conceyu.

A les 19 hores va entamar l’esperáu pasucais de charangues y carroces, con salida d’El Bibio y final en L’Humedal. L’epicentru de la folixa va ser un añu más Begoña, onde Jerónimo Granda va interpretar coples d’antroxu a les 21.45 y la orquesta Versión Original va facer baillar a los presentes darréu.

Mañana, Martes d’Antroxu, va ponese’l ramu a cinco díes de folixa col veloriu de la sardina, que va instalase a les 17 hores en Begoña. El cortexu fúnebre va partir hacia la plaza’l Marqués a les 19.15 hores, onde va lleese’l so testamentu a les 20.15 hores pa entamar darréu col entierru col que fina l’Antroxu.

La folixa gastronómica

Los restoranes xixoneses van enllenase mañana tamién de veceros pa disfrutar del Menú d’Antroxu. Ésti ta conformáu por productos típicos d’estes feches: pote, picadiellu y, de postre, frixuelos y picatostes.

AdxuntuTamañu
PDF icon Programa Antroxu de Xixón 2020860.18 KB
Contador Estadistiques