Una gran fumareda visible en cuasi tola villa causa alarma

Procedía de la obra d'un bloque de construcción nueva en La Coría y obligó a desallugar a vecinos de viviendes cercanes por precaución.

Esta mañana, enantes del meudía, una fumareda intensa visible en cuasi tola villa causó alarma ente la población. Nun tardaron en movese per redes sociales y aplicaciones de mensaxería instantánea semeyes y vídeos.

Por fortuna la quema nun supunxo problemes mayores más allá de los materiales y la situación yá ta controlada, anque obligó a desallugar a vecinos de viviendes cercanes y obligó a los responsables del colexu Montedeva a guardar a los alumnos nes aules. El fueu afeutó al suétanu d'una vivienda n'obra de construcción nueva nesti barriu de Ciares.

El fumu vistu dende l'avenida d'El Llano, cerca de la plaza del centru comercial Los Fresnos.