Un parque de bomberos nuevu va ameyorar les condiciones de trabayadores y del serviciu

L'Ayuntamientu va construyir un parque de bomberos nuevu en Roces, mui cerca del actual. Na celebración de San Xuan de Dios, el patrón de los bomberos, l’alcaldesa Carmen Moriyón rescampló esta iniciativa pa contar nel conceyu con una “instalación moderna y puntera que finalmente resolverá les faltes graves esistentes” nel actual.

Foi’l miércoles cuando se comunicó esta actuación sobre una parcela municipal de 14.000 metros cuadraos bien comunicada, dalgo esencial pal serviciu de bomberos. Ésta ta al sur de l’Autovía del Cantábrico, apegada a la carretera Carbonera.

“Ye hora de que Xixón dea a los nuesos bomberos una instalación puntera, adaptada a los tiempos y que garantice les meyores condiciones pa la plantía”, apuntaba esa xornada Moriyón. “Adquirimos esti compromisu’l segundu día de mandatu y en menos d’un añu cumplimos. El parque nuevu va ocupar más del doble del actual y va tar al altor de les espeutatives”, señalaba pela so parte Nuria Bravo, conceyala de Seguridá Ciudadana y Emerxencies.

L’alcaldesa, mentes, na fiesta pol patrón del cuerpu nel edificiu actual que tien llugar güei, anque se celebró ayeri, rescampló que va ser una “instalación moderna y puntera que finalmente resolverá las graves carencias esistentes”. Nel actu hebo reconocimientos pa los bomberos xubilaos y pa delles persones y entidaes pola so collaboración col serviciu.