Selmana Internacional de Montaña

|
 Selmana Internacional de Montaña

Esti llunes  28 entamen les proyecciones y charles programaes nesta 39 edición de la Selmana de Montaña de Xixón "Memorial Julio Bousoño".

L'esguilador y alpinista Carlos Suárez ye l'encargáu d'inagurar esta edición cola proyección de la so película "Morir por la cima", onde nos fai un descubrimiento íntimu del alpinismu, buscando rempuestes. Un averamientu al riesgu en cada montaña y esperienciess  compartíes colos grandes del alpimismu mundial cuntao en primera personal.

El martes va ser Aymar Navarro quien nos enseñe la progresión d'un freeskier y la so forma de ver la vida dende los descensos de los cumales. Una repasu a la evolución del esqui y otres posibilidaes d'aventures.

La esguilada como pasión, como un arte, como una danza; ye lo que presenta l'esguilador Dani Andrada'l miercoles nel so audiovisual. Una forma de ver l'esquilada dende'l romanticismu clásitu en toes les sos facetes estremes.

"K2: Siren of Himalayas" ye'l títulu de la proyección del miercoles. Esti premiáu documental de 2012 dirixíu por Dave Ohlson cuanta la xubida al K2 y les sos grandes dificultaes nes estremaes rutes  feches por dellos equipos d'esguiladores con motivu del centenariu de la primera espedición a esti picu en 1909.

Pieslla estes xornaes una charra-audiovisual del alpinista Ferrán Latorre, onde fadrá un repasu de toes les actividaes feches a lo llargo de la so carrera deportiva, tocando toes les especialidaes del alpinismu. Tamién dará un enfoquer especial a les nueves dimensiones qu'algamó la montaña: la de la imaxen, la de la filmación y la de la difusión d'esti deporte.

Esta Selama de Montaña ta organizada pola AMA Astur Torrecerredo. El preciu de cada entrada ye de 4€, con un abonu pa les cincu sesiones por 15€. Toles proyecciones van a ser nel Teatru Xovellanos a les 20:00h.

 

 

Contador Estadistiques