Presentóse la obra ganadora del IX Premiu Fierro Botas

|
Presentóse la obra ganadora del IX Premiu Fierro Botas

'Orixe y desendolcu de la cerámica de Faro', d'Alfonso Fanjul Peraza, foi l'estudiu merecedor del Premiu d’Ensayu y Trabayos d’Investigación Fierro Botas del 2016. Esti miércoles presentóse la espublización nel marcu del VI Festival Arcu Atlánticu.

L'arqueólogu recueye nesti ensayu los resultaos de dalgunas campañes d'escavaciones nos alfares tradicionales de Faro. El so oxetivu ye completar un campu de la historia d'esta cerámica asturiana dende los sos oríxenes, na Edá Media, hasta la so decadencia industrial a finales del sieglu XIX.

Esti gallardón entámase n’alcordanza del xesuita Federico González-Fierro Botas, espertu en llingua asturiana que finó n’accidente de tráficu en Rusia nel 2002, y reconoz el llabor de los investigadores asturianos na llingua del país. Tien una recompensa de 3.000 euros, amás de la espublización del ensayu.

Na semeya, María Xosé Rodríguez López, responsable de la Oficina de Normalización Llingüística; Ana Montserrat López Moro, conceyala d'Eduación y Cultura; y Fanjul Peraza.

 

 

Contador Estadistiques