Preséntase Ludikateca
|
18 Ochobre, 2016 por Redacción
La Fundación Municipal de Cultura, Educación y U. P. presenta un nuevu programa educativu y cultural con un importante componente lúdicu, dirixíu a tou tipu de públicos y pa toles edaes.
La Ludikateca ye un programa con un formatu d'acciones formatives de curtia duración que dexen esfrutar, tantu a los adultos como a los neños. Van ser espacios d'entretenimientu y aprendizaxe compartíos onde enfusase n'ámbitos o temátiques diverses participando n'actividaes que dacuando van tener calter puntual, otres van tener continuidá a lo llargo de delles sesiones. Ábrese asina la opción a participar nestes actividaes a grupos familiares o grupos compuestos por adultos y neños acompañaos.
La primera programación, que dará entamu’l prósimu 29 d’ochobre, ufiertara talleres de divulgación científica, artes (escéniques, visuales, etc.), cocina y alimentación, y movilidá urbana responsable y sostenible. Les inscripciones van ser del 21 d’ochobre al 4 de payares.
