Microrrellatos y fiches n'asturianu pa festexar el Día Internacional de los Museos

|
Logu nuevu Rede Municipal de Museos de Xixón

El 18 de mayu ye'l Día Internacional de los Museos. La Rede Municipal de Museos entama 'MuseoRelatos', actividá lliteraria billingüe, y permite disfrutar de la esposición '25 años, 25 pieces. L'arqueoloxía de la to ciudá en 25 cartelos urbanos' al traviés de la llingua del país, a lo qu'hai que sumar la Fototeca abierta del Muséu Pueblu d'Asturies.

El Conseyu Internacional de Museos entama esta celebración dende'l 1977, qu'esti añu se desendolca baxo'l lema 'Museos pola igualdá: diversidá y inclusión'. Les distintes perspeutives y miraes de diferenes pieces de los museos xixoneses, tantes como participantes, yá sían con histories reales o imaxinaries, son les que se busca conocer esta edición con 'MuseoRelatos'.

Trátase d'una actividá lliteraria en castallanu y n'asturianu de testos de non más de 185 pallabres nel que'l protagonismu o'l puntu d'inspiración van ser un conxuntu de pieces de los museos llocales escoyíes pa la ocasión que se pueden consultar nes bases incluyíes al final noticia como documentu adxuntu. El plazu d'entrega va ser hasta'l miércoles y la Rede va espublizar los recibíos dende'l vienres na so web y redes sociales.

Fiches y semeyes

Coincidiendo con esta xornada, tamién ta promocionándose la esposición '25 años, 25 pieces. L'arqueoloxía de la to ciudá en 25 cartelos urbanos', que permite conocer 25 pieces de los nuesos museos con completes fiches n'asturianu y castellanu. Amás, el Muséu del Pueblu d'Asturies abre a la ciudadanía al traviés d'Internet los fondos fotográficos de la so Fototeca, con 40.000 semeyes d'accesu llibru que van dir ampliándose a lo llargo del añu hasta averase a los 100.000 documentos.

Na semeya, logu nuevu de la Rede Municipal de Museos de Xixón que s'estrena con motivu del Día Internacional de los Museos.

AdxuntuTamañu
PDF icon Bases de 'MuseoRelatos'874.2 KB
Contador Estadistiques