Mataxove enllénase pa emburriar al Telecable hacia'l títulu lligueru

|
Telecable Xixón 1-2 Generali Palau (1 de mayu del 2022)

Les de La Calzada, con factor cancha na final, han remontar el 0-1 na serie con Palau.

El Telecable Solimar Xixón, campeón de la lliga regular de ḥoquei patinos femenín, xuega esta fin de selmana los dos últimos partíos pol títulu de la OK Lliga. Depués de superar pela vía rápida al Martinelia CP Manlleu en semifinales nun pudo nel primer partíu (2-1) col so verdugu na final de la Female League Cup, celebrada nel Palaciu (1-2), y enfrenta un choque clave esta tarde y, de ganar, el yá definitivu'l domingu.

Van xugar les de Fernando Sierra col factor de contar col públicu a favor nun recintu munchu más pequeñu que'l pabellón asitiáu xunto al Piles. Mataxove va tar enllenu hasta la bandera, con xente hasta nos fondos nes pequeñes graes instalaes nel llugar, pa dar un emburrión a les xixoneses frente al Generali HC Palau de Plegamans.

A les 20 hores va arrancar el primer partíu, que se va poder ver en direuto n'OK Liga TV y en FDPPA TV. El desempate, d'haber güei victoria xixonesa, va celebrase'l domingu a les 18.30 hores.

Na semeya, un momentu de la final de la Female League Cup ente'l Telecable y el Palau xugada nel Palaciu.

Contador Estadistiques