L’hípicu torna a Les Mestes con un CSI de cuatro estrelles n’agostu

|
José Ramón Tuero, Ana Palacios y Jesús Kocina hípicu

Depués de dos años ensin ver caballos blincar nel verde de Les Mestes, el primer hipódromu del conceyu va retomar los concursos. En concreto va desendolcase un CSI del 23 al 28 d’agostu, esto ye, una prueba de calter internacional, anque nun va tener la etiqueta de ‘oficial’.

Col nome d’International Horse Shows, siguiendo la tendencia de los dos últimos años d'emplegar l'inglés col Gijón Horse Jumping con sede nel CHAS, va tornar l’hípicu a Les Mestes. Y con él, les apuestes y tolos alicientes qu’atraen a miles de persones a la instalación municipal toles xornaes.

Van ser un total de 24 pruebes, 7 d’elles dientro del Ranking FEI, en cuatro concursos internacionales pa un máximu de 250 caballos. En total seis díes d’obstáculos y blincos con competición de caballos mozos, un Concursu de Saltos Internacional (CSI) d’ún y dos estrelles, y otru de cuatro estrelles con premios dende’l xueves 25.

Na semeya, José Ramón Tuero, conceyal d'Actividá Física y Deporte; Ana Palacios, presidente de la Federación d'Hípica del Principáu d'Asturies; y Jesús Kocina, copresidente del circuito Gijón Horse Jumping.

Contador Estadistiques