L’Exércitu instala puestos de cribáu en Cabueñes

|
Concepción Saavedra y Alfonso Ignacio Jáudenes puestos de cribáu Cabueñes

La situación sanitaria na que ta anguaño Xixón pola pandemia de COVID-19, con Cabueñes saturáu, sobre manera n’Urxencies, llevó al SESPA a solicitar al Exércitu la instalación de puestos de cribáu nel aparcamientu del hospital. Esti vienres principiaron los trabayos, cola intención de que'l llunes puedan empezar a funcionar.

En total van llevantase seis puestos nos que se van facer pruebes PCR y a los que se van derivar pacientes según la so gravedá. Los trabayos supervisólos el teniente coronel Alfonso Ignacio Jáudenes, xefe del ‘Batallón de Infantería San Quintín del Regimiento Príncipe de Asturias’.

Concepción Saavedra, xerente del Serviciu de Salú del Principáu d’Asturies (SESPA), visitó esta mañana’l llugar, comunicando la so intención de que la unidá sanitaria militar pueda ampliase con más boxes. El deséu, dao l’empeoramientu de la situación nestos díes últimos, sería la instalación d’un hospital de campaña nel llugar como'l que tuvu l'Hospital Universitariu Central d'Asturies (HUCA) na primer fola de la pandemia de COVID-19.

Contador Estadistiques