La música va ambientar terraces esti branu

'Siente Xixón Terraces' ye un proyeutu pilotu pa llocales con espacios a 40 metros de viviendes.

Tomar una botella de sidra con música ambiente va ser posible esti branu en dellos establecimientos de Xixón. El Conceyu pon en marcha esta iniciativa pola que se van programar "espresiones artísticas que se desendolquen con elementos analóxicos o dixitales de pequeñu formatu en direuto".

Yá ta abierta la inscripción pa participar nesta prueba baxo'l nome 'Siente Xixón Terraces I', a la que pueden optar terraces o merenderos a 40 metros de viviendes o residencies de mayores. El plazu fina'l día 24 y el programa va desenvolvese del 15 de xunu al 15 d'ochobre.

“Siempre defendimos qu'un modelu d'ociu y hostelería más modernu yera posible en Xixón. Esti proyeutu naz con esa vocación y dende'l máximu respetu a los vecinos y al so descansu. Si xenera consensu y el resultáu ye positivo, incluyiráse na futura ordenanza de terraces”, esplicó'l conceyal d'Urbanismo, Jesús Martínez Salvador.