La fonte de la plaza d'El Carmen recupera'l funcionamientu

Llevaba seis años inactiva y presenta un aspeutu renováu dafechu.

Güei, depués d'una fase de pruebes, activóse la fonte de la plaza d'El Carmen, qu'esta nueche va vistir de color malva por mor del 25 de payares, Día Internacional de Desaniciu de la Violencia contra la Muyer. Va ser gracies a los puntos LED instalaos na mesma, que va permitir xuegos d'agua y lluz xunto colos trés tipos de chorros instalaos.

La Empresa Muncipal d'Agua (EMA) invirtió nesta obra 300.000 euros, lo que permite finar con seis años d'inactivida d'una fonte asitiada xunto ún de los llugares de mayor pasu de la villa. El so presidente, Olmo Ron, acudió esta mañana a la inauguración xunto a l'alcaldesa en funciones, Natalia González Peláez, y anunció que van destinase delles partíes pluriañales pa renovar otres fontes y llavaderos del conceyu, l'entamu d'un estudiu pa la recuperación del ríu artificial del parque d'El Cerilleru y una evolución de trabayos pa la reparación de los sistemas hidráulicos del de la plaza d'Europa.

Na imaxe, un momentu de les pruebes feches na fonte estos díes previos.