La Escuela de Comerciu Antigua acueye un alderique entituláu 'Democracies, llendes y tolerancies'

3 Xineru, 2024 por Redacción

Cartelu alderique 'Democracies, llendes y toleracines' GIMEC y La Ponte

Entámalu'l Grupo de Investigación Multidisciplinar en Estudios Culturales (GIMEC) y el Centru d'Investigación y Ecomuséu La Ponte cola moderación de Pablo M. Testa.

'Democracies, llendes y tolerancies' ye'l nome del alderique que va tener llugar esta tarde na Escuela de Comerciu Antigua. Un tema que van tocar diferentes persones venceyaes principalmente al mundu de la política como José Suárez Arias-Cachero 'Felechosa', Rafael Velasco, Dulce Gallego, Alejandro Suárez González y Nuria Rodríguez López.

La cita va ser de 18 a 20 hores nel salón d'actos de la instalación municipal, con accesu llibre pa toles persones interesaes. Ta organizada de manera conxunta pol GIMEC, grupu nacíu en setiembre del 2012 con sede na población madrilana de San Fernando de Henares al que pertenez Testa, y La Ponte, con base nel conceyu de Santo Adriano.

Adxuntu	Tamañu
Cartelu alderique 'Democracies, llendes y toleracines' GIMEC y La Ponte	184.12 KB

Eventu pa güei

'A tu lado', con Los Secretos

Teatru de la Llaboral

Al traviés d'imposibles viaxes alantre y atrás nel tiempu, Los Secretos cuenten la historia de la so vida, de la so música y de les persones que formaron parte d'elles. En 'A tu lado' los componentes del grupu narren en primere persona'l percorríu de la banda, repasando la so trayeutoria y les circunstancies que los convirtieron nun grupu míticu.