González anuncia la so decisión de nun dir a les primaries y va abandonar l'Alcaldía en mayu

|
Ana González Rodríguez

Un día depués de confirmase que los promotores de la celebración de primaries nel PSOE de Xixón pa escoyer el candidatu a l’Alcaldía algamaben los apoyos suficientes pa convocales, Ana González Rodríguez anunció la so decisión de dar un pasu a un llau. Nun va presentase, anque va escosar el so mandatu.

Según los estatutos del PSOE, los alcaldes pueden presentase a la releición de manera direuta si ye la so voluntá, como yá confirmara la primer edil meses atrás. Sicasí, esiste la posibilidá de forciar primaries si hai una demanda de la militancia –les firmes de la metá más ún–, opción que llevó a un grupu a entamar una campaña que finó en bon puertu al recoyer 675 de les 592 necesaries, de les que se validaron 662.

“Cuando se pierde, tienes qu’encaxalo”, espresó González esta mañana nuna convocatoria a los medios na qu’apaeció acompañada por 7 de los 10 ediles socialistes –faltaron Marina Pineda, José Ramón Tuero y Natalia González Peláez–. Sicasí, apuntó que va a escosar el mandatu “porque una cosa ye la ciudá y otra’l partíu”.

Contador Estadistiques