EMTUSA pon servicios especiales a los cementerios de cara al Día de Difuntos

|
Cementeriu de Ciares

A Deva van tar activos dende'l sábadu, mentes que'l llunes 1 va haber tamién autobuses hasta'l de Ciares con frecuencies cada 30 minutos.

Cola fin de facilitar les asistencies a los cementerios nel Día de Difuntos, la Empresa Municipal de Tresportes Urbados, SA (EMTUSA) pon un serviciu especial d'autobuses. El Conceyu recomienda adelantar la visita a los familiares y collacios finaos cola fin de torgar aglomeraciones.

La llinia 25, que llega a Deva, va salir el sábadu, el domingu y el llunes de Tremañes a les 9.30, 10.30, 11.30, 12.30, 15.30, 16.30 y 17.30 hores, con vuelta 55 minutos depués. El mesmu día 1 va haber tamién especiales dende la Plaza del Carmen a les 9.30, 10.30, 11.30, 12.30, 13.30 y 14.30 hores, con retornu a la media hora hasta les 14.

Mentes, pa Ciares va haber serviciu'l mesmu día 1 cada 30 minutos dende la Gota de Lleche de 9.30 a 18.30 hores, con vuelta dende les 9.40 hores. Otra manera, esti añu tornen los servicios relixosos por Difuntos con un aforu del 80 por cientu en recintos zarraos.

Na semeya, cementeriu de Ciares.

Contador Estadistiques