El Xovellanos amplía l'aforu hasta los 559 espectadores

|
Teatru Xovellanos COVID-19

Nestos momentos los espectáculos del teatru namái pueden ocupar 100 butaques.

La Conseyería de Salú dio'l preste pa que, dende ochobre, el Xovellanos pueda ampliar l'aforu hasta los 559 espectadores distribuyíos en patiu de butaques, entesuelu y xeneral, esto ye, dalgo más del 50 por cientu del total. El proyeutu presentáu por Divertia convenció a les autoridaes sanitaries, polo que la instalación va caltener esta ocupación pa los eventos que se programen nel trimestre últimu del añu.

Les entraes pa los espectáculos previstos van salir a la venta esta mesma selmana. Van tener preferencias los abonaos, anque nun se van sacar abonos pa esti trimestre, mañana y pasao, mentes que'l públicu xeneral va poder mercar llocalidaes dende'l vienres.

La programación va principar el 2 d'ochobre cola obra de teatru 'Mrs Dalloway', de Virginia Woolf, protagonizada por Blanca Portillo. 'Prostitución', con Carmen Machi y 'Hombres que escriben en habitaciones pequeñas', con Secun de la Rosa; Danza Xixón con Marta Carrasco y su 'Perra de nadie', 'Gran Bolero' o 'Doimon y la Jodida Lógica', de Matarile Teatro; y el proyeutu Encaja2 con conciertos de Tuya, Kaplan, Fee Reega, Ramón Prada y Rodrigo Cuevas, son dalgunes de les otres propuestes del Xovellanos pa estos meses.

Contador Estadistiques