El Sporting supera al Amorebieta y yá espera al Betis en dieciseisavos

|
Sortéu Copa dieciseisavos

Un gol de Cristian Salvador al Amorebieta (0-1) clasificó al Sporting pa dieciseisavos de Copa. Nesa ronda l'equipu roxiblancu va enfrentase al Betis nuna eliminatoria a partíu únicu que va tener llugar n'El Molinón previsiblemente'l 16 o 17 de xineru.

El conxuntu andaluz, entrenáu por Manuel Pellegrini, ocupa la undécima posición en Primera División con 20 puntos (6 victories, 2 empates y 9 derrotes), pero ye l'equipu más goliáu de la categoría, con 31 tantos encaxaos, por 20 a favor. Na segunda ronda eliminó al Mutilvera (1-3) y na so plantía hai dos roxiblancos: el xixonés Dani Martín, ensin minutos en competición, y el paraguayu Toni Sanabria, qu'acumula 2 dianes en Lliga.

El Sporting llega a esta eliminatoria al ganar n'Urritxe al Amorebieta nun partíu condicionáu pol mal estáu del prau depués de les numberoses lluvies de los díes últimos en tol norte peninsular. Los roxiblancos nun fixeron un bon partíu, anque nun se vieron superaos en momentu nengún pol rival, en puestos d'ascensu en Segunda B, y finalmente un balón nun corner, que cayó a los pies de Cristian Salvador, desniveló la balanza pa los de Mareo.

Na semeya, Álex Talavera, presidente del Cornellà, garra una bola del bombu de Segunda División A.

Contador Estadistiques