El campeón namái pudo superar al Liberbank na tanda de penaltis

L'anfitrión Rincón Fertilidad Málaga, verdugu de les de La Calzada, llevantó la Copa.

L'esfuerciu del Liberbank nuna semifinal d'infartu nun tuvo recompensa. La igualdá tres los 60 minutos (22-22) y la prórroga (24-24), obligó a dir a los penaltis, onde l'equipu andaluz ganó'l pase a la final.

Nun pudo asina'l conxuntu xixonés volver a ganar el tornéu que llevó nel 2018 nuna oportunidá única, yá que los principales favoritos quedaron eliminaos en cuartos de final. Sicasí, la bona actuación refuercia'l proyeutu de Cristina Cabeza de cara a la Lliga.

Esta temporada, en Gipuzkoa

El Rincón Fertilidad superó na final de la XL Copa al Elche Visitelche.com por 24-20. La temporada próxima la fase final del tornéu va tener llugar en Gipuzkoa del 23 al 25 d'abril.

Semeya propiedá del Club Balonmano La Calzada.