Abre’l zarru perimetral tres 7 díes con una incidencia menor de 325

|
Xixón plaza 17 d'agostu

Con una incidencia acumulada de 224 casos por cada 100.000 habitantes nos 14 díes últimos, Xixón sal de riesgu estremu. El conceyu acumula 7 xornaes con esti datu perbaxo de 325 y sigue una tendencia descendente, como marquen los requisitos de la Conseyería de Salú, polo que dende’l vienres abre’l zarru perimetral y torna s les midíes comunes pal país, ente elles l’apertura d’interiores na hostelería.

El miércoles 17, cuando se comunicó la segunda prórroga, la incidencia acumulada taba en 332, pero nun se complía la condición decretada p’abandonar el nivel d’alerta 4+. Nos díes siguientes la tendencia foi descendente (295, 282, 273, 254, 240 y los 224 actuales), lo que llevó a Salú a decretar el llevantamientu de les restricciones vixentes dende’l 24 de xineru dende mañana.

Los ciudadanos podrán asina salir y entrar del conceyu con normalidá y la hostelería abrir l’interior de los chigres (hasta les 20 hores), anque ensin facer usu de la barra y en meses d’un máximu de cuatro persones, asina como les grandes superficies. Tornen a tar permitíos l’aconceyamientos n’nteriores ente non convivientes, con un tope de seis individuos, y la práutica deportiva n’interiores.

Mentes, sigue’l pieslle del comerciu a les 20 hores, a esceición de l’alimentación, que se permite hasta les 21 hores. El toque de queda tampoco nun cambia: de 22 a 6 hores.

Contador Estadistiques