Xixón festexa al so patrón

Esti vienres, 29 de xunu, festéxase San Pedro, fiesta llocal en Xixón. ¿Pero por qué celebramos a esti santu y non a otros?

La bendición de les agües, a les 13.30 hores en Campu Valdés, ye l'actu col que más se rellaiciona la festividá de San Pedro, xunto cola entrega de les medayes de la ciudá, qu'esti añu son pal Hostelcur Xixón, la d'oru, y pa l’Asociación Belenista, la Federación de Peñas Sportinguistas, Mar de Niebla, la Politéunica y la Sociedá Cultural Xixonesa, les de planta, amás del títulu de díu adoptivu pa José Antonio García Santaclara. Esti actu va celebrase a les 19 hores nel Teatru Xovellanos.

Munchos piensen que Begoña ye la patrona de Xixón, pero lo cierto ye que'l patrón ye San Pedro, d'ehí que güei lu festexemos. Hai constancia de que se venía celebrando esti santu dende tiempos inmemoriales, siendo la primer la referencia un escritu del añu 1651, en concreto un alcuerdu del Ayuntamientu pa qu'hubiere fogueres na viéspora y procesión al día siguiente.

Col pasu de los años, los festexos evolucionaron hacia una celebración de calter más relixosa. Al empar, les actividaes festives en Xixón allargáronse mientres tol branu, centrándose principalmente n'agostu al rodiu de Begoña, afitándose asina éstes como les fiestes llocales.

Na semeya: Bendición de les agues nel día de San de San Pedro (2017).