Torre de la Memoria

Autor: Francisco Fresno Fernández
 
Añu d'instalación: 2000.
 
Materiales: Fierru, aceru cortén y aceru inoxidable.

 La Torre de la Memoria, creación del pintor, escultor y grabador asturianu Francisco Fresno (Villaviciosa, 1954), ye un prisma cuadrangular de 16 metros d'altor que les sos dimensiones y materiales (fierro, aceru cortén y aceru inoxidable) simbolicen el pasáu industrial y el presente de la zona onde ta asitiada dende'l 25 de febreru del añu 2000: el parque de Moreda, asitiáu en terrenos d'una vieya fábrica. Caúna de les sos cares vistes presenta 1.035 relieves d'aceru inoxidable apolazáu con acabáu d'espeyu que reflexen el presente, el soceder diariu del parque y la redolada; xueguen cola lluz que se reflexa na so superficie y proxéctase en distintos matices de color (Ceferino Vallina). L'interior zarra fierros que s'enxareyen nuna estructura qu'aguanta la instalación.