La caxa del tiempu yá espera al 2023

|
La caxa del tiempu yá espera al 2023

Representantes del mediu millar d'escolines y escolinos de Llingua Asturiana de los centros de Secundaria de la ciudá introduxeron los conteníos de la caxa del tiempu que promueve la Oficina de Normalización Llingüística. Ésta va abrise nel añu 2023.

Con motivu de la decimoquinta edición de los Alcuentros de la Mocedá cola Llingua, que se celebró'l 24 d'abril, entamóse cola iniciativa de la caxa del tiempu, que se concretó'l miércoles. Nun actu celebráu na Escuela de Comercio introduxéronse el deséu o'l petite que tienen pa col asturianu pa los próximos 5 años, amás d'una reflexón de cómo sedrá la situación llingüística nesi momentu.

Asina incluyéronse pidimientos que van dende'l cumplimientu de los derechos llingüísticos hasta l’usu de la toponimia de Xixón, pasando pel emplegu correutu de les normes ortográfiques. Tamién se dexó dalgún recuerdu en forma de semeya, con un 'pallabreru prestosu'.

El Fernández Vallín, el Rosario Acuña, el Xovellanos, el Montevil, l'Emilio Alarcos, el Númberu 1, y los colexos San Lorenzo, San Miguel y Santo Ángel, participen nesta iniciativa que va tener el so momentu final nel 2023, cuando s'abra la caxa nos XX Alcuentros de la Mocedá cola Llingua. Mientres tanto va tar custiodida na Oficina de Normalización Llingüística.

Contador Estadistiques