El PSOE foi’l partíu más votáu’l 10-P en Xixón

|
Celebración PSOE 28-A

Los xixoneses dieron al PSOE la victoria eleutoral na repetición de les Estatales, al igual que’l 28 d’abril. PP-Foro ameyoró los sos resultaos, pasando a Xuníes Podemos como segunda fuercia, mentes que Ciudadanos pierde 19.000 votos y diez puntos y VOX sigue medrando.

El PSOE rexistró 49.797 sofitos, lo que supón una baxada con respeuto a l’anterior cita eleutoral, cuando algamó 55.594 apoyos. Sicasí, el porcentaxe de votos ye mayor, con 33,10 por cientu por un 33 d’abril, lo que s’esplica cola baxada de la participación: 67,48 por cientu ayeri por un 75,46 el 28-A.

La segunda fuercia en Xixón pasa a ser PP-Foro, que rexistra un 21,55 por cientu del total depués de tocar fondu con un 15,79. Xuníes Podemos baxa del 18,01 por cientu al 16,75.

VOX sigue cola so medra, al pasar d’un 11,64 por cientu a un 15,79, mentes que Ciudadanos lleva’l golpe más duru al cayer d’un 17,78 por cientu a un 7,40. Más País-EQUO tuvo un 2,68 por cientu na so estrena eleutoral.

L’únicu partíu asturianu que se presentó en solitariu a les eleiciones, Andecha Astur, xube en 6 votos pa sumar un total de 253 (0,17 por cientu).

Na semeya, celebración del PSOE en Madrid, onde tuvo presente Adriana Lastra –segunda pela derecha–, candidata socialista por Asturies.

Contador Estadistiques