El Festival Al Resve lleva per segundu añu la cultura asturiana a la cai

|
Programa del II Festival Al Resve

Dellos puntos de Cimavilla, coincidiendo coles fiestes de Los Remedios y de La Soledá, van acoyer nes dos fines de selmanes próximes música, teatru y una intervención artística. La cultura y la llingua asturiana protagoniza’l Festival Al Resve, que vive la so segunda edición amestando tradición y renovación.

La primer cita va ser esti vienres, a les 19 hores na plaza La Soledá, la obra ‘Camín de Santiagu’, de Factoría Norte. Hora y media más tarde, na plaza Xovellanos, Toli Morilla va poner el conciertu inaugural d’esta iniciativa de la Fundación Municipal de Cultura, Educación y Cultura Popular.

Nes xornaes siguientes van tocar Alicia Álvarez y David Varela, en concreto los cantares de ‘Kikirikikí’, el discu-llibru de La Fabriquina editáu por Araz.net –empresa editora tamién de YeXixón.com– (sábadu, 13 hores); Ún de Grao (sábadu, 19 hores); Antón Menchaca (sábadu, 20.30 hores); les bandines La Garrapiella y Xe de Jota (domingu, 13 hores); Fruela 757 (domingu, 19 hores); Tever (domingu, 20.30 hores); Voces de Cimavilla (vienres 17, 19 hores); Coral San Antonio (vienres 17, 20 hores); Fernando Valle Roso y Silvia Moreno con ‘Cantares de… y pa neños’ (sábadu 18, 13 hores); Cantaruxare (sábadu 18, 19 hores); 6 Riales (sábadu 18, 20.30 hores); Escueles de Música Tradicional La Quintana y Villa de Xixón (domingu 19, 13 hores); Rubén Alba y Nel de Purnea (domingu 19, 19 hores); y Rubén Bada y Pepín de Muñalén (domingu 19, 20.30 hores).

Amás, esti sábadu a les 22 hores na plaza Xovellanos va entamase una intervención artística nel que Sfhir va axuntar arte y teunoloxía nun rellatu de la historia de Cimavilla. Toles actividaes del II Festival Al Resve son d’entrada llibre, con un aforu máximu de 50 persones, ensin ser necesaria inscripción previa.

AdxuntuTamañu
PDF icon Programa del II Festival Al Resve1.43 MB
Contador Estadistiques