El 25 de payares 142 persones viéronse obligaes a dormir na cai

|
Presentación del 'Primer Recuento de Personas Sin Hogar en Gijón'

Un recuentu afita que cuasi mediu millar de ciudadanos de Xixón nun tienen llar.

Mar de Niebla, Serenos Xixón, l'Albergue Covadonga, Colectivo Nacai, l'Asociación Albeniz, Identidad para Ellos y Ellas, la Fundación Municipal de Servicios Sociales y la Cocina Económica punxeron en marcha'l llunes pasáu'l 'Primer Recuento de Personas sin Hogar en Gijón', que dexaron datos esmolecedores. En Xixón hai 439 persones ensin hogar, de les que 142, un 32 por cientu, viéronse obligaos a pasar esa nueche na cai.

De les persones ensin agospiu, 78, un 55 por cientu, nun tienen techu nel qu'abellugase, mentes que'l restu, 64, tán n'infraviviendes o llugares abandonaos. Mentes, 297 pudieron pasar la nueche nun de los espacios que tien la ciudá p'albergar a les persones ensin llar.

Les entidaes que participaron nesti estudiu esixen a les alministraciones qu'actúen énte esta realidá, que consideren "inxusta". Pa ello ye necesario la intervención temprana y más servicios públicos pa les persones que pasen por estos problemes.

Na semeya, momentu de presentación del 'Primer Recuento de Personas Sin Hogar en Gijón', nel que tuvo presente l'alcaldesa Ana González.

Contador Estadistiques