Concentración de sofitu a la música en vivu

|
Concentración de sofitu a la música en vivu

Va ser na Plaza del Ayuntamientu a les 20 hores d'esti xueves 15 de xunu.

La Plaza del Ayuntamientu de Xixón va ser l'escenariu esti xueves 15 a les 20 hores d'una concentración de sofitu a la música en directu, col oxetivu de poder camudar les lleis que multen y prohíben la música en vivu. Esti actu reivindicativu ta entamáu pola Charanga Ventolín y sofitada  por grupos y colectivos musicales de la ciudá.

Esti asuntu foi tratáu nel Plenu del Conceyu  del pasáu miercoles 14 onde s'aprobó una proposición de XsP y IX pa pidir al Gobiernu del Principáu que modifique la normativa pa que permitan la música en vivu en locales d'hostelería, o que faciliten a estos establecimientos la organización de conciertos. La proposición contó col sofitu de tolos grupos menos del PSOE, que s'absuvo al considerar que la norma del Principáu ya lo permite si ta regulao pol Conceyu.
 

Contador Estadistiques